Bloggos numeros dos

Hellú :D

Þetta er búinn að vera fínasti dagur! Fór í vinnuna, vann eins og motherfucker frá 9-6 eins og vanalega, skoppaði svo í ræktina með mister guggz og tók á því :) Gerðum fullt af axlaæfingum, tók svo hiit-æfingu á hjóli og DAYUM, hef alltaf bara gert hiit á hlaupabretti, held ég færi mig alfarið yfir á hjólin í þeim æfingum because IT BUUURNS! 100% erfiðara en á hlaupabrettinu, allavega fyrir mig, náði að push-a mér lengra á hjólinu og var almennt miklu sáttari með það en á hlaupabrettinu.

Jæja hennti inn mynd af kvöldmatnum mínum, 2 litlar bringur, smá spínat, slatti af gúrku, pínu paprika, pínu fetaostur og ca 5 bitar af sætri kartöflu. Hrikalega gott, kjúllinn var vel spicy með cayanne og kjúllakryddi. Annað sem ég borðaði í dag var herbalife-shake í morgunmat og kjúklingur, ein bringa og eitt læri í hádegismat (ekkert með .. átti ekki pening og lét mér þetta bara nægja, allt góða grænmetið heima og ég föst í vinnuni). Skyr og banani í kaffitímanum, próteinshake eftir æfinguna og svo þessi dýrindisdrulla sem myndin er af í kveldmat :) Langar að henda inn tvem myndum sem ég púslaði saman fyrir þónokkru síðan, sem sýna pínu árangur hjá mér! Hlakka reyndar til að taka bráðum mynd til að update-a, er búin að vera svo dugleg :D! Fyrirmyndin er reyndar eftir 6 vikur á Herbalife (thank god að það er ekki til mynd af mér fyirir það). En já here it comes! 

Oh god, the horror .. Eeeeen svona er þetta, einhverntíman er veltipunktur í lífinu og maður þarf aðeins að girða sig í brók og taka á málunum :). Hlakka til að geta hennt inn nýjum árangursmyndum því þessar eru alveg mánðargamlar eða eitthvað svoleiðis :(.. Þær eru líka alveg ekki alveg nógu vel púslaðar saman, en þið fattið alveg hvað ég er að fara með þessa breytingu :) hehööömm. 

En eitt sem mig langar geðveikt mikið að tala um!! Það eina sem ég hugsa um þessa dagana!! Það að ég er að fara á Akureyri fyrstu helgina í Apríl. It will be amazing! Hlakka pínu til að djamma með elsku krúttlegustu, sætustu, bestustu og mest amazing vinunum mínum á Akureyri, hitta alla og sjá alla sem ég hef ekki séð lengi, hitta tengdafamily, smella mér í heimsókn til ömmu, hitta systur mínar, gera allt sem ég hef ekki gert alltof lengi! Vá er orðin alltof æst hérna.. Anywho, þetta verður hrikalega gaman og ég hlakka mjög mikið til! Eeen jab, er eiginlega ekki lengur að nenna hanga í tölvunni, held líka að athyglissjúki krútt-kærasta-klumpurinn minn þurfi athygli :) 

-Svandís Þóra 

Bloggos numeros uno

Hallú :)

Dem hvað mér finnst skrítið að byrja blogga aftur, hef ekki gert það síðan í grunnskóla EN það er alltaf svo gott og gaman að skottast aðeins út fyrir þægindarammann og fylgja klikkuðu hugmyndunum sínum eftir og gera eitthvað úr þeim :) Hér langar mig að klína niður á blað hvað ég er að bralla, hvernig mér gengur að léttast, hvernig ég er að breyta lífsstílnum mínum, hvernig ég borða, hvernig ég æfi .. auðvitað með dassi af almennu væli og heimskulegum pælingum! 

Mig langar líka rosalega að vera svolítið hvetjandi, langar svo að fólk fatti að maður getur gert allt sem maður vill, maður þarf bara að vinna að því á hverjum degi, hugsa um það alltaf, vera fókuseraður og ÆTLA. Maður á eftir að misstíga sig.. Það á einhver eftir að segja manni að maður geti ekki það sem manni langar.. Maður verður bara að halda áfram sama þótt móti blási og maður mun uppskera! Maður tekur kannski eitt skref aftur á bak en þá er um að gera að taka bara þrjú áfram í staðin!

Í dag þá átti ég hrikalega góðan dag! Matarræði mitt var í toppstandi, hefði ekki getað verið betra, herbalifeshake í morgun- og hádegismat, hrökkkex með eggi í kaffitímanum, próteinsjeik eftir æfingu og eggjaommiletta með spínati, broccoli, papriku og avocado í kvöldmat. Í dag tók ég hriikalega lappaæfingu, beygði, gerði rassaæfingar, tók hiit æfingu á hlaupabrettinu, hnébeygjuhopp og tók einhverjar æfingar í einhverjum tækjum sem ég ætla ekki einu sinni að reyna finna nöfn fyrir :) 

Þetta blogg er nú aðallega fyrir mig, til þess að skerpa fókusinn minn enn betur, kannski líka til að halda mér aðeins við að skrifa, hef nefnilega tekið eftir á þessu ári sem ég hef verið frá skóla að mínum rithæfileikum hafa hrakað mjög mikið og ég er eiginlega bara orðin voðalega illa skrifandi! Ekkert mál að æfa það upp aftur, verð nú sérstaklega að huga að því þar sem ég fer sennilegast í háskólann í haust að læra félagsfræði. Hef svo hugsað mér að fara í ráðgjöf út frá því og langar hrikalega að starfa sem námsráðgjafi þegar ég er orðin stór(fullorðin, er alveg nógu stór fyrir) :) 

Heyrið, þetta er bara meira en nóg í dag, vona að einhver nenni að lesa :)

Hundrað rokkstig fyrir þig fyrir að hafa klárað að lesa þetta! :D

-Svandís Þóra